بسم الله الرحمن الرحيم . بتكلم عن تجربتى الشخصية مع ابنى 3 سنوات كان كثير البكاء بصورة شديدة اذا طلب حتى يشرب الماء يطلب ببكاء اذا طلب لعبة يبكى اذا طلب اى شىء يبكى جربت حل واحد بس والحمد لله لم اسمع بكاءه الا فحدود الطبيعى للاطفال
والحل هو
كل ما يطلب شىء بالبكاء كنت بعمل نفسى مش سامعه واقوله حاضر موافقة بس مش فاهمة انت بتقول اية عشان انت بتبكى فهمنى بصوت هادى يعيد تانى كلامه ببكاء اتظاهر تانى انى مش سامعه وكأنى فعلا مش سامعه واوعى يظن انك بتمثلى عليه عشان ما تخسريش المحاولة المهم كل مرة بقيت بعمل مش سامعاه عشان مش فاهمة كلامه من البكاء كل مرة كان بيبطل بكاء عشان يفهمنى معنى كلامه وانا اظل عاملة مش سامعه لحد ما يعيد كلامه 3 مرات عشان اتأكد انه خلاص هدى وصدقينى هتكتشفى بنفسك ان فعلا بكاءه اسلوب للضغط عليكى عشانك اقوى منه بس لما هتعملى كده معاه ويحس انك اضعف منه هيرضى غروره وهيبتدى يعاملك انتى على انك محتاجه تسمعيه وهتلاقى فرصة وقتها تفهميه بكل سهولة وجربى وهتدعيلى
اليومية
